Jámiyetshiliktiń dodalawı ushın qoyılǵan 2025-jılǵa mólsherlengen mámleketlik baǵdarlama joybarında Kanada, Braziliya hám Amerika kontinentiniń basqa jetekshi birge islesiwshi mámleketleri menen keń kólemli birge islesiw baylanısların jáne de tereńlestiriw hám hár tárepleme keńeytiw máselesi kóterilgen.
Sonıń ishinde, 2025-jıldıń aqırına shekem Kanadada Ózbekstan Bas konsulxanasın ashıw rejelestirilmekte.
Sonday-aq, Kanada, Braziliya, Kuba menen siyasiy másláhátlesiwlerdiń gezektegi raundların shólkemlestiriw hám usı sıyaqlı jetekshi mámleketlerdiń potenciallı kompaniyaların Ózbekstanǵa tartıw arqalı birgeliktegi joybarları ámelge asırıw hám túrli ekonomikalıq ilajlardı shólkemlestiriw máselesin islep shıǵıw názerde tutılǵan.
Bunnan tısqarı, hújjet joybarında Kuba menen densawlıqtı saqlaw hám farmacevtika tarawlarındaǵı birge islesiw baylanısların keńeytiw hám Latın Amerikasında awıl xojalıǵı tarawı rawajlanǵan mámleketlerdiń juwapker ministrlik hám mámleketlik uyımları menen birge islesiw baylanısların ornatıw, óz-ara tájiriybe almasıw maqset etilgen, dep málimleme beredi xabar.uz
Qaraqalpaqstan xabar agentligi