Bas prokuraturada 8-yanvar – Ózbekstan Respublikası prokuratura uyımları xızmetkerleri kúni múnásibeti menen ilaj bolıp ótti.
Atap ótilgenindey, mámleketimiz basshısınıń baslamaları tiykarında ótken jıllar dawamında ámelge asırılǵan reformalardıń nátiyjesinde prokuratura uyımlarınıń jumısı da túp-tiykarınan ózgerdi.
Ilajda jaqın perspektivada prokuratura uyımları aldında turǵan tiykarǵı wazıypalarǵa ayrıqsha itibar qaratıldı. Atap aytqanda, prokuraturanıń hár bir xızmetkeriniń júregindegi, sanasındaǵı Watanǵa, el-jurtqa hám reformalarǵa sadıqlıq úlesin bekkemlewge qaratılǵan jumıslar izbe-iz dawam ettiriledi.
Bunnan bılay da adamlardıń turmıs dárejesin joqarılatıw, kámbaǵallıqtı qısqartıw, qolaylı isbilermenlik hám investiciyalıq ortalıqtı qáliplestiriw, ekonomikanıń turaqlılıǵın, azıq-awqat hám energetikanıń qáwipsizligin támiyinlew, awıl xojalıǵı, bilimlendiriw, medicina, ekologiya, mádeniyat hám sport sıyaqlı tarawlardaǵı reformalardıń ámelge asıwına úles qosıw prokurorlardıń kúndelikli jumısınıń áhmiyetli bólegi bolıp qaladı.
Nızamshılıqtıń orınlanıwı ústinen qadaǵalaw da keskin kúsheytiledi. Jınayatshılıqqa qarsı gúresiw hám tergew jumısın jetilistiriw turaqlı itibarda boladı.
Ilajda usı sıyaqlı kóplegen wazıypalardı nátiyjeli ámelge asırıw ushın barlıq imkaniyatlar, kúsh hám qurallar bar ekenligi hám olar jaqsı maqsetler jolında tolıq jumsalatuǵını ayrıqsha atap ótildi.
Ánjumanda sózge shıqqan taraw wákilleri prokuratura uyımlarınıń sistemasın jetilistiriw boyınsha ámelge asırılıp atırǵan ilajlar, itibar hám ǵamqorlıq ushın xalqımız hám mámleketimizge minnetdarshılıq bildirip, el-jurt mápleri jolında sadıqlıq penen xızmet etiw joqarı sadıqlıq ekenin jáne bir márte atap ótti.
Videokonferenbaylanıs túrinde bolıp ótken ilajda Ózbekstan Respublikası Prezidenti Administraciyası, Oliy Majlis, Húkimet, ministrlikler hám uyımlardıń wákilleri, barlıq dárejedegi prokuratura uyımlarınıń xızmekterleri hám veteranlar qatnastı.
Norgul ABDURAIMOVA, ÓzAnıń xabarshısı