ÓzLiDeP Nókis qalalıq Keńesi tárepinen “TUTOR” jeke tártiptegi oqıw kursında partiya xızmetkerleri, belsendileri hám ǵalaba xabar quralları wákilleriniń qatnasıwında ilaj bolıp ótti.

Onda elimizde sońǵı jılları ámelge asırılıp atırǵan túpkilikli reformalar, ásirese, barlıq tarawlar sıyaqlı partiyanıń elektorat wákilleri bolǵan isbilermenlerdi qollap-quwatlaw baǵdarında qabıl etilip atırǵan qarar hám pármanlar tuwralı keń túrde maǵlıwmatlar berildi.
Еkonomikamızdıń drayveri bolǵan isbilermenlikti qollap-quwatlawǵa qaratılıp atırǵan itibar, búgingi kúnde partiyanıń alıp barıp atırǵan jumısları boyınsha máseleler dodalandı.
Atap ótilgenindey, búgingi kúnde partiya – mámleketimizdi sociallıq-ekonomikalıq jaqtan rawajlandırıw, xalıqtıń turmıs dárejesin arttırıw, kishi biznes hám jeke isbilermenlik subyektleri wákillerin huqıqıy jaqtan qorǵaw, qollap-quwatlawdı óz aldına maqset hám wazıypa retinde belgilep alǵan.
Partiya aǵzaları isbilermenlik, fermerlik, sonday-aq, xalıq xojalıǵınıń barlıq tarawlarında, ilim, bilimlendiriw, medicina hám basqa da salalarda nátiyjeli jumıs alıp barmaqta.
2023-jılı oqıw orayınıń ashılǵanına kóp waqıt bolmay-aq jumısshılar sanı 12 ge jetti. Ashılǵan waqıtta 2 muǵallim jumıs islegen. 2023-jılı ashılǵan waqtında orayda 102 oqıwshı bolǵan bolsa, házirgi kúnde 200 den aslam oqıwshı bar. Oqıw qollanbaları hám sabaqlıqlar rus tilinde. Huqıq tanıw, inglis tili, rus tili, matematika, tariyx, ximiya, biologiya pánlerinen ótilip atırǵan sabaqlar rus tilinde alıp barıladı.
Ilajda partiyanıń maqset hám wazıypaların úgit-násiyatlaw, aǵzalar sanın jáne de kóbeytiw maqsetinde usı “TUTOR” jeke tártiptegi oqıw kursında jumıs alıp barıp atırǵan xızmetkerler jańadan partiya aǵzalıǵına qabıl etildi hám olarǵa partiya gúwalıqları tapsırıldı.

Qaraqalpaqstan xabar agentligi