Kolumbiyanıń Bogota qalasında U-20 jastaǵı jaslar arasında qılıshlasıw sportınıń sablya túri boyınsha ótkerilip atırǵan jáhán chempionatı óz juwmaǵına jetti.
Chempionatta Ózbekstan saylandı komandası aǵzaları komandalıq bellesiwlerde de tabıslı qatnasıp, altın medaldı qolǵa kirgiziwge miyasar boldı.
Atap aytqanda, Nargiza Jaqsıbaeva, Ayakóz Jumamuratova, Samira Shokirovadan ibarat qızlarımız finalda meksikalılardı 45:20, Sardor Abdukarimbekov, Musa Aymuratov hám Alpamıs Oraqbaev quramındaǵı jigitlerimiz de maydan iyelerin 45:28 esabında jeńip shıǵıwǵa eristi.
Solay etip, saylandı komandamız chempionattı 3 altın, 1 gúmis hám 2 qola medalları menen juwmaqladı.
Adilbay Orazov,
Qaraqalpaqstan xabar agentligi sholıwshısı