Nızamshılıq palatasındaǵı ÓzLiDeP frakciyasınıń gezektegi májilisinde «Ózbekstan Respublikasınıń ayırım nızam hújjetlerine ayırım túrdegi temeki ónimleriniń, temekini hám nikotindi paydalanıw qurılmalarınıń, sonıń ishinde elektron sigaretalardıń aylanısın qadaǵan etiw hám juwapkershilik belgilewge qaratılǵan ózgerisler hám qosımshalar eirgiziw haqqında»ǵı nızam joybarı kórip shıǵıldı.
Frakciya aǵzalarınıń atap ótiwinshe, sońǵı jılları temeki hám nikotin ónimleriniń «zamanagóy» hám «innovaciyalıq» túrleri, nikotindi jetkerip beriw qurılmaları, elektron sigaretalar hám olar ushın suyıqlıqlar hám qızdırılatuǵın temeki ónimleriniń mámleketimizge nızamǵa qarsı túrde alıp kiriw jaǵdayları hám aylınısı artıp barmaqta.
Bunnan tısqarı, bul ónimlerdi xalıq, ásirese, jaslar arasında paydalanıw jaǵdayları kóbeydi.
Usı nızam joybarı menen respublika aymaǵında ayırım túrdegi temeki ónimleriniń, temeki hám nikotindi paydalanıw qurılmalarınıń, sonıń ishinde, elektron sigaretalardı islep shıǵarıw, tayarlaw, ótkeriw maqsetinde olardı saqlaw, tasıw yaki ótkeriw qadaǵan etilmekte. Sonday-aq, Ózbekstan Respublikası aymaǵınan alıp shıǵıwǵa tásirsheń ilaj sıpatında hákimshilik hám jınayıy juwapkershilik belgileniwin názerde tutpaqta.
Qaraqalpaqstan xabar agentligi