Búgin Avstraliyanıń Melburn qalasında tennis boyınsha «Úlken Dubılǵa» dúrkinine kiriwshi jıldıń eń iri tórt jarısınıń birine start berildi.

Áhmiyetli tárepi sonda, Ózbekstannıń birinshi raketkası Humoyun Sultonov Avstraliya ashıq chempionatınıń tańlap alıw basqıshında kolumbiyalı Daniel Еlaxi Galan menen ushırasıp, óz qarsılasın 6/3, 6/7(2), 7/5 esabında jeńip shıǵıwǵa eristi.
Bul oyın eki tennisshi arasındaǵı ekinshi bellesiw bolıp, olardıń birinshisi bunnan 8 jıl burın Italiyanıń Lechcho qalasında ótkerilgen ITF turniri sheńberinde ótkerilip, onda Sultonov 3/6, 7/6, 6/4 esabında jeńiske erisken edi.
Galan ústinen erisilgen jeńis arqalı Humoyun Sultonov 8 upaydı qolǵa kirgizdi.
Sultonov turnirdegi óziniń ekinshi oyının 8-yanvar kúni tańda chexiyalı Dalibor Svrchinaǵa qarsı ótkeredi.

Adilbay Orazov,
Qaraqalpaqstan xabar agentligi sholıwshısı