Oliy Majlis Nızamshılıq palatasınıń gezektegi májilisinde jollarda háreketleniw qáwipsizligin támiyinlewge qaratılǵan nızam joybarı ekinshi oqıwda qabıl etildi.
Bul nızam joybarı menen trotuarlar, piyada hám velosiped jolları hám olarǵa tutas aymaqlarda qurılǵan jasıl maydanlarda avtotransport quralların júrgiziwdiń (oǵan arnawlı avtotransport quralların kirmeydi) aldın alıwǵa qaratılǵan normalar belgilenbekte.
Xalıq tárepinen jol háreketi qatnasıwshılarınıń háreketine tosqınlıq etiwshi nızamsız tosıqlardı hám basqa qurılmalardı ornatıw jaǵdaylarına shek qoyıw ushın juwapkershilik ilajları názerde tutılmaqta.
Joybarǵa bola, Hákimshilik juwapkershilik haqqındaǵı kodekstiń 128-statyasınıń atı hám birinshi dispoziciyasına ózgeris kirgizilip, aydawshılardıń transport qurallarında trotuar, velosiped hám piyadalar jollarında, jasıl maydanlarda háreketleniwi ushın juwapkershilik belgilenbekte.
Hákimshilik juwapkershilik haqqındaǵı kodekstiń 147-statyasınıń atı hám birinshi dispoziciyasına ózgeris kirgizilip, jollarda nızamsız tosıqlar ornatqanlıǵı, tosıp qoyǵanlıǵı, jol háreketi qatnasıwshılarına tosqınlıq etiwsh basqa qurılmalardı ornatqanlıǵı ushın juwapkershilik belgilenbekte.
M.Turdalieva, I.Ismatov ÓzA