Kuveyttiń arab tilindegi “Al-Jarida” gazetası hám “Q8 Press” elektron basılımında «Gaza sektorınan 100 bala hám hayal-qız Ózbekstanǵa emleniw ushın keldi» atamasındaǵı maqalalar járiyalandı. Bul haqqında “Dunyo” MA xabar berdi.

Maqalada atap ótiliwinshe, Ózbekstan Gaza sektorınan kelgen 100 ge shamalas palestinalı balalar hám hayal-qızlardı óz emlewxanalarında biypul emlew ushın qabıl etti.
Basılımlar, sonday-aq, Ózbekstan milliy málimleme agentliginiń xabarına súyengen halda, «Saudiya Arabstanınıń Ar-Riyoz qalasında bolıp ótken Arab-Islam sammitinde qatnasqan Prezident Shavkat Mirziyoev óz mámleketi urıs aqıbetlerinen japa shekken palestinalı balalar hám hayal-qızlardı Ózbekstan emlewxanalarında biypul emlewge tayar ekenin tastıyıqlaǵan», – dep atap ótken.
Atap ótiliwinshe, 26-dekabr kúni Ózbekstan tárepinen Egipetke arnawlı samolyot jiberilgen hám 100 palestinalı hám olardıń joldasları Tashkentke jetkerilip, emlewxanaǵa jatqarılǵan,dep málimleme beredi xs.uz

Qaraqalpaqstan xabar agentligi