«Sociallıq kartanı» aylanısqa shıǵarıw hám paydalanıw ushın tapsırıw qarjı agenit wazıypasın atqarıwshı rezident kommerciyalıq bankler tárepinen ámelge asırıladı.

Onda:
-Barlıq puqaralar ushın dáslep elektron sociallıq karta aylanısqa shıǵarıladı hám paydalanıw ushın beriledi;
-Bank kartası túrindegi sociallıq karta puqaralardıń óz qálewine bola aylanısqa shıǵarıladı hám paydalanıw ushın beriledi.
Usı jılı 27-dekabr kúni qabıl etilgen «Xalıqtı sociallıq qollap-quwatlawda «sociallıq karta» sistemasın engiziw ilajları haqqında»ǵı Húkimet qararına bola, sonday-aq, «Sociallıq karta»nı aylanısqa shıǵarıw hám paydalanıw ushın beriw boyınsha arzalar tómendegiler arqalı usınıladı:
– BIMXP (my.gov.uz);
-«Sociallıq karta» mobil qosımshası;
– «Insan» sociallıq xızmetler orayları hám ayrıqsha jaǵdaylarda sociallıq xızmetkerler;
-qarjı agenti.
Sociallıq kartanı nátiyjeli ámeliyatta qollanıw hám «Sociallıq karta» AT hám mobil qosımshanıń kerekli dárejede jumıs alıp barıwın támiyinlew maqsetinde:
-2025-jıl 1-yanvardan baslap «Sociallıq karta» AT hám mobil qosımshanıń texnikalıq qollap-quwatlaw sociallıq karta boyınsha tólem xızmetlerin kórsetiwshi tólem shólkeminiń túni-kúni jumıs isleytuǵın texnikalıq xızmeti tárepinen ámelge asırıladı;
-2025-jıl 1-fevraldan sociallıq kartanı aaylanısqa shıǵarıw hám paydalanıw ushın beriw máseleleri boyınsha Agentliktiń málimleme-maǵlıwmatnama xızmetlerin kórsetiwshi «1070» qısqa nomeri hám túni-kúni jumıs isleytuǵın xızmetiniń («Isenim telefonı») jumısı test rejiminde jolǵa qoyıladı, -dep málimleme beredi xabar.uz saytı.

Qaraqalpaqstan xabar agentligi