Oliy Majlis Senatı tárepinen jergilikli keńeslerdiń jumısın rawajlandırıw, jergilikli atqarıw hám wákillikli hákimiyattıń bóliniw principi tiykarında konstituciyalıq normalardı engiziw hám tarawdaǵı reformalardı ózinde sáwlelendirgen oqıw-seminarları ótkerip kelinbekte.
Videoknferencbaylanıs túrinde ótkerilgen gezektegi oqıw-seminarında xalıq deputatları Qashqadárya, Nawayı, Namangan, Samarqand, Sırdárya, Surxandárya, Tashkent, Ferǵana, Xorezm wálayatları hám Tashkent qalası hám usı aymaqlardıń rayonlıq, qalalıq keńesleriniń deputatları qatnastı.
Senat Baslıǵı T.Norboeva Oliy Majlis palatalarınıń májilislerinde Prezidentimiz Shavkat Mirziyoev tárepinen belgilep berilgen tiykarǵı wazıypalar hám bul baǵdarda wákillikli uyımlardıń roline toqtap ótti.
Seminarda jergilikli byudjetti, aymaqlardı rawajlandırıw baǵdarlamaların qáliplestiriw hám orınlanıwı ústinen nátiyjeli qadaǵalawdı ámelge asırıw, sonday-aq, atqarıw hákimiyatı basshılarınıń esabat hám málimlemelerin tıńlaw ushın nátiyjeli mexanizmlerdi engiziw máseleleri dodalandı.
Sonıń menen birge, aymaqlıq hám xalıqaralıq birgeliktegi baǵdarlamalardıń orınlanıwı boyınsha tásirsheń deputatlıq qadaǵalawdı kúsheytiw, keńes jumısına jaslardı keńnen tartıw, olardıń keńes qararların qabıllawdaǵı qatnasın keńeytiw máselelerine de itibar qaratıldı.
Seminarda Senat komitetleri hám jergilikli keńesler jumısınıń nátiyjeliligin arttırıw, nızam ústinligin támiyinlew, deputatlar hám saylawshılar arasında nátiyjeli qarım-qatnas ornatıw hám olardıń jumısın sanlastırıw máselelerine itibar berildi.
N.Abduraimova,
ÓzA