Ózbekstan Respublikası Prezidenti Shavkat Mirziyoev 24-dekabr kúni bolıp ótken telefon arqalı sóylesiwde Ázerbayjan Respublikası Prezidenti Ilham Alievti tuwılǵan kúni menen shın júrekten qutlıqladı.

Mámleketimiz basshısı Ázerbayjan jetekshisiniń mámlekettiń ǵárezsizligin bekkemlew, aymaqtıń awızbirshiligin tiklew, turaqlı rawajlanıwdı támiyinlew hám xalıqaralıq abırayın joqarılatıwdaǵı tariyxıy rolin ayrıqsha atap ótti.
Prezidentler joqarı dárejedegi kelisimlerdi ámelge asırıw sheńberinde Ózbekstan- Ázerbayjan doslıq hám awqamlaslıq qatnasıqların jáne de keńeytiw hám bekkemlewdiń áhmiyetli máselelerin kórip shıqtı.
Házirgi Eki tárepleme birge islesiwdi jedel rawajlandırıw jolında birgelikte islengen jumıslar nátiyjeli bolǵanı úlken qanaatlanıwıshılıq penen atap ótildi. Óz-ara tovar almasıw kólemi joqarı pátte ósip barmaqta, avtomobil qurılısı, toqımashılıq, elektrotexnika, awıl xojalıǵı, turizm hám basqa tarmaqlarda kooperaciya joybarları jedel basqıshta. Mádeniy-gumanitarlıq almasıwdıń ilajlarǵa bas baǵdarlaması ámelge asırılmaqta.
Ózbekstan hám Ázerbayjan basshıları xalıqaralıq kún tártibi boyınsha da pikir alıstı, bolajaq ilajlar rejesin kórip shıqtı.

ÓzA