Ózbekstan Respublikası Ministrler Kabinetiniń 2024-jıl 20-dekabrdegi qararı menen «205-2027-jıllarda mámleketlik satıp alıwlar sistemasın jáne de jetilistiriw hám rawajlandırıw strategiyası» tastıyıqlandı.

Bul strategiya mámleketlik satıp alıwlar processlerin ekologiyalıq turaqlı hám keń básekige tiykarlanǵan halda jetilistiriw hám «jasıl» satıp alıwlardıń úlesin arttırıwdı maqset etken. Sonday-aq, qorshaǵan ortalıqtı qorǵaw hám ekologiyalıq zıyanlardı azaytıwǵa qaratılǵan ilajlar belgilendi.
Qararda jergilikli islep shıǵarıwshılardı, ásirese, hayal-qızlar hám mayıplıǵı bolǵan shaxslardıń miynetinen paydalanatuǵın kishi biznes subyektlerin qollap-quwatlawǵa ayrıqsha itibar berilgen. Mámleketlik satıp alıwlar procesiniń barlıq basqıshlarında sanlastırıwdı engiziw hám elektron satıp alıwlardıń úlesin arttırıw wazıypaları da názerde tutılǵan.
Sonday-aq, satıp alıw processlerin turaqlı monitoring etiw hám nátiyjeli qadaǵalaw ornatıw maqsetinde birden bir basqarıw sistemasın jaratıw wazıypası da belgilendi. Strategiyanı ámelge asırıw ushın 2025-2027-jıllarǵa mólsherlengen ilajlar rejesi tastıyıqlandı. Bul haqqında Еkonomika hám qarjı ministrligi xabar berdi.

N.Ziyodullaeva, ÓzA