Respublikamız rayonlarında 2025-jıldıń ónimi ushın egislik jerlerdi tayarlaw, shúdigarlaw jumısları nátiyjeli dawam etpekte.

Jámi 85 mıń gektar jerdi shúdigarlaw belgilengen bolıp, búgingi kúnge kelip 72 mıń gektardan aslamı, yaǵnıy 85 procenti shúdigarlandı.
Máwsim basınan shúdigarlaw jumısları boyınsha Ámiwdárya (89,8%), Taxtakópir (88,5%), Ellikqala (86,8%) aldınǵı qatarda kelmekte.
Bul jumıslar ushın 138 otryad shólkemlestirilgen hám 608 joqarı ónimli súrim traktorları qosılǵan.
Álbette, egislik jerlerde gúzgi shúdigarlaw jumısların shólkemlestiriw, mol zúráátke tiykar jaratıp, bul agrotexnikalıq ilajdı sapalı ótkeriw ushın birinshi gezekte atızlar ǵawasha hám basqa ósimlik qaldıqlarınan tazalanıwı, suwǵarıw salmalarınıń tegisleniwi, topıraqqa zárúr muǵdarda jergilikli hám mineral tóginler tógiliwi maqsetke muwapıq bolıp tabıladı.
Gúzgi shúdigarlaw jumısları orınlarda qızǵın dawam etpekte.

Qaraqalpaqstan xabar agentligi.