Onda Sport ministri Adham Ikramov, Milliy Olimpiada Komiteti Bas xatkeri Aybek Qosimov, Komitet baslıǵınıń orınbasarı Sherzod Toshmatov hám taraw qánigeleri qatnastı.
Májiliste bolatuǵın Olimpida oyınlarına tayarlıq processleri haqqında juwapkerlerdiń málimlemeleri tıńlandı. Sonday-aq, jańa Olimpiada ciklinde saylandı komandalarındaǵı licenziyalarǵa dawager sportshılar, olardıń imkaniyatları boyınsha maǵıwmat berildi. Májilis dawamında aymaqlarda alıp barılıp atırǵan úyreniw jumısları juwmaǵı boyınsha pikirler bildirildi.
Májilis sońında talantlı sportshılardı selekciya etiw, saylandı komandalarınıń texnikalıq bazasın jaqsılaw, sportshılarǵa turaqlı túrde jergilikli hám xalıqaralıq oqıw shınıǵıwlar jıyınların shólkemlestiriw sıyaqlı wazıypalar, qalaberdi, Ózbekstan delegaciyasın «Los-Andjeles-2028» jazǵı Olimpiada oyınlarına puqta tayarlaw boyınsha islep shıǵılatuǵın Prezident qararı joybarı ushın áhmiyetli baǵdarlar belgilep alındı.
Qaraqalpaqstan xabar agentligi