Prezident Еmomali Rahmon mámlekettiń jetekshi Tájikstan xalıq demokratiyalıq partiyası basshılıǵına qayta saylandı. Partiya keshe, 18-dekabr kúni Dushanbede ótkergen XV qurıltayda dawıs berilgen.

Atap ótkenindey, 72 jaslı prezidet qurıltay ashılıwında partiya aǵzaları TXDP 30 jıllıǵı menen qutlıqlap, onıń keyingi 5 jıllıqta erisken jetiskenlikleri haqqında aytıp bergen.
Maǵlıwmat ushın: Еmomali Rahmon 1998-jıl 18-marttan berli TXDP jetekshisi bolıp sanaladı. Ol Tájikstandı prezident sıpatında basqarıp atırǵanına 30 jıldan astı. (1994-jıl 16-noyabrden berli).- dep málimleme beredi xabar.uz saytı.

Qaraqalpaqstan xabar agentligi