«Joqarı hám kásiplik bilimlendiriw shólkemleriniӊ pitkeriwshileriniӊ juwmaqlawshı mámleketlik attestaciyanı shólkemlestiriw ilajları haqqında»ǵı Húkimet qararı qabıl etildi.

Qararǵa bola, 2025-jıl 1-yanvardan baslap joqarı hám kásiplik bilimlendiriw shólkemleri pitkeriwshileriniӊ juwmaqlawshı mámleketlik attestaciyasın jumıs beriwshi kárxana hám shólkemlerde de uyımlastırıw ámeliyatı engiziledi.
Tómendegiler tastıyıqlandı:
— Joqarı bilimlendiriw shólkemleriniӊ juwmaqlawshı mámleketlik attestaciyasın ótkeriw tártibi haqqındaǵı reje;
— Kásiplik bilimlendiriw shólkemleri pitkeriwshileriniӊ juwmaqlawshı mámleketlik attestaciyasın ótkeriw tártibi haqqındaǵı reje.
Sonday-aq, diplom joybarı hám pitkeriwshiler mamanlıq jumısı qorǵalatuǵın bakalavriat bilimlendiriw baǵdarları dizimi bilimlendiriw tarawlarınıӊ ózgesheliklerinen kelip shıqqan halda Joqarı bilimlendiriw, ilim hám innovaciyalar ministrligi tárepinen tastıyıqlanadı.
2025-jıl 1-yanvardan kásiplik bilimlendiriw shólkemleri pedagog kadrlarınıӊ mamanlıǵın arttırıw oqıw rejelerine «Germaniya tájiriybesi» tiykarında pitkeriwshilerdi bahalaw boyınsha oqıw kursı kirgiziledi.

ÓzA