Sanlı texnologiyalar ministri Sherzod Shermatov Saudiya Arabstanına saparı sheńberinde UNDESA basshısı BMShtıń Bas xatkeriniń orınbasarı Li Szyanxua menen ushırasıw ótkerdi.

Ushırasıwda Li Szyanxua mámleketimizde elektron húkimet tarawınıń rawajlanıw jaǵdayı hám bul baǵdarda BMShtıń elektron húkimet rawajlanıw reytinginde Ózbekstannıń ornın arttırıw, 2030-jılǵa shekem TOP-30 mámleketler qatarına kiriw boyınsha alıp barılıp atırǵan is-háreketlerdi joqarı bahaladı.
Ózbekstan bıyılǵı jılı Еlektron húkimet reytinginde 6 tekshe joqarıladı. Indekstiń oǵada joqarı (Very High EGDI) toparına qosılǵanı, aldınǵı reytinde 18 tekshe kóterilip, ulıwma 24 tekshe kóterilgeni ayrıqsha atap ótildi.
Ushırasıwda Samarqandta ótkerilgen BMShtıń Mámleketlik xızmetler forumına tayarlıq jumısları, forum teması hám tiykarǵı bayanatshılar boyınsha pikir alıstı.
Bunnan tısqarı, MKT infrastrukturasın jetilistiriw, elektron húkimet reytinginde Ózbekstannıń ornın jáne de jaqsılaw hám uzaq múddetli birge islesiwdi keńeytiw máseleleri da dodalandı.
Sonıń menen birge, sanlı transformaciya arqalı turaqlı rawajlanıw maqsetlerine erisiw áhmiyetli ekeni atap ótildi.
Ushırasıw juwmaǵında Ózbekstan BMSh penen birge islesiwdi jáne de tereńlestiriw hám aldınǵı tájiriybelerdi engiziw hám turaqlı, inklyuziv hám sanlı rawajlanıwǵa erisiw boyınsha birgelikte jáne de jedel háreket etiwge kelisildi.

ÓzA