Salıq tarawında xalıqaralıq birge islesiwdi bekkemlew sheńberinde Ózbekstan Respublikası Salıq komiteti delegaciyası Ázerbayjan Еkonomika ministrligi janındaǵı Mámleketlik salıq xızmetine bardı.

Ilajdan gózlengen tiykarǵı maqset, Ázerbayjannıń salıq hákimshiligi hám salıqqa tartıw tarawındaǵı tájiriybesin úyreniwden ibarat.
Hár eki tárep mámleketlerimiz arasındaǵı óz-ara birge islesiw jáne de joqarı dárejege kóterilip atırǵanı hám eki tárepleme ekonomikalıq baylanıslar tereńlesip baratırǵanın atap ótti.
Ushırasıwda keń kólemli máseleler dodalandı. Sonıń ishinde, «jasırın ekonomika» dárejesin azaytıw quralları, salıq nızamshılıǵın jetilistiriw, salıq hákimshiligin rawajlandırıwdıń áhmiyetli baǵdarları dodalandı.
Ózbekstan tárepi Ázerbayjan Respublikası qosımsha qun salıǵı hákimshiligi tarawındaǵı tájiriybesine ayrıqsha qızıǵıwshılıq bildirdi. Úsh kúnlik ushırasıwlar dawamında Salıq komiteti wákilleri QQS depozit esap-nomerin júrgiziw mexanizmi, QQStı qaytarıw sisteması hám usı táreplerdi tártipke salatuǵın nızamshılıqtaǵı ózgerisler menen tanısadı.
Ushırasıw juwmaǵında bunday jumısshı baylanıslar hám tájiriybe almasıwlar óz-ara birge islesiwdi bekkemlewge hám eki mámlekette nátiyjeli salıq basqarıwın jolǵa qoyıw boyınsha ulıwma sheshimlerdi islep shıǵıwǵa xızmet etetuǵını atap ótildi.

Sh.Mamaturopova, ÓzA