Bas prokuratura janındaǵı Еkonomikalıq jınayatlarǵa qarsı gúresiw departamenti Nókis rayonlıq bólimi tárepinen ótkerilgen tergewge shekemgi tekseriwde sociallıq taraw obyektlerin ısıtıw ushın jetkerip berilgen kómirdi talan-taraj etiw jaǵdayı anıqlandı.

Sonıń ishinde, mámleketlik -jeke menshik sheriklik kelisimine tiykarlanıp kómir jetkerip beriwshi “N.A.” juwapkershiligi sheklengen jámiyette taraw obyektlerin ısıtıw ushın jetkerip berilgen kómir ólshewden ótkerilgeninde, usı jámiyettiń juwapker shaxsları ulıwma bahası 1 milliard sumlıq jámi 2 mıń 514 tonna kómirdi talan-taraj etkenligi anıqlandı.
Bul jaǵday boyınsha Jınayat kodeksiniń tiyisli statyası menen jınayat isi qozǵatılıp, tergew háreketleri ótkerilmekte.

Qaraqalpaqstan xabar agentligi