Sanlı texnologiyalar ministri Sherzod Shermatov Saudiya Arabstanında «DataVolt» kompnaiyasınıń Bas atqarıwshı direktorı Rajit Nanda menen ushırastı.

Onda birgelikte ámelge asırlıp atırǵan maǵlıwmatlar orayın qurıw processleri hám maman qanigelerdi tayarlaw boyınsha sóylesiwler alıp barıldı.
Ushırasıwda kompaniya menen birgelikte «Jasıl» maǵlıwmatlar orayı joybarınıń 1-basqıshı boyınsha ámelge asırılıp atırǵan jumıslar tuwralı pikir alısıldı.
Joybardı ámelge asırıw ushın elektr-energiya támiynatı máselesin ayrıqsha itibarǵa alıw zárúr ekenligi atap ótildi. «DataVolt» kompaniyasınıń Bas atqarıwshı direktorı usı joybarda qayta islenetuǵın energiya dáreklerinen paydalanatuǵının málim etti.
Sonıń menen birge, maǵlıwmatlar orayların qurıw arqalı xalıqaralıq iri IT kompaniyalardı Ózbekstanǵa tartıw boyınsha ámeliy jumıslar alıp barılıp atırǵanı málim etildi.
Bunnan tısqarı, bilimlendiriw tarawında sanlı sheshimlerdi jedel rawajlandırıw, IT autsorsing hám basqa baǵdarlarda talantlardı tayarlaw boyınsha Saudiya Arabstanı hám Jaqın Shıǵısta Ózbekstannıń IT autsorsing potencialın úgit-násiyatlaw boyınsha birgeliktegi baslamalardı ámelge asırıw boyınsha máselelerge itibar qaratıldı.
Sonday-aq, birgeliktegi joybarlardı alǵa qoyıw arqalı dúnyanıń iri texnologiyalıq kompaniyaların Ózbekstanǵa tartıw rejeleri kórip shıǵıldı.
Ushırasıw juwmaǵında telekommunikaciya tarawında da joybarlardı ámelge asırıw perspektivalarına itibar qaratıldı.

N.Rahmanova, ÓzA