Qazaqstannıń paytaxtı Astana qalası Oraylıq Aziya mámleketleriniń ishinde birinshilerden bolıp «Turaqlı qalalar hám jámáátler – qala xızmetleri hám turmıs sapası kórsetkishleri» ISO standartı boyınsha xalıqaralıq sertifikat aldı. Bul haqqında “Astana TV” xabar tarqattı.

Paytaxt hákimliginiń málim etiwinshe, bul xalıqaralıq sertifikat Astananıń turaqlı qala rawajlanıwı tarawında dúnya jetekshilerinen biri ekenin tastıyıqlaydı.
Hújjetke dúnyadaǵı birden-bir sertifikatlaw uyımı bolǵan Jáhán Urban Data Keńesi tárepinen qol qoyılǵan.
Astana ekonomika, bilimlendiriw, densawlıqtı saqlaw, qáwipsizlik hám transport sıyaqlı 19 tiykarǵı baǵdar boyınsha 128 kórsetkish penen hár tárepleme bahalandı.
«Turaqlı qala» statusı Astana ushın turizmdi rawajlandırıw, xalıqaralıq investiciyalardı tartıw, global birge islesiwshiler menen baylanıslardı keńeytiw hám infrastruktura joybarların ámelge asırıwda jańa imkaniyatlar ashıwı múmkin.

G.Sattorova, ÓzA