Qorǵanıw hám qáwipsizlik máseleleri komitetiniń baslıǵı K.Burxonov basshılıǵındaǵı Oliy Majlis Senatı delegaciyası Astanada Qazaqstan Respublikasın turaqlı rawajlandırıw tarawındaǵı milliy maqset hám wazıypalardıń orınlanıwın monitoring etiw boyınsha parlament komissiyasınıń «Oraylıq Aziyanı turaqlı rawajlandırıw: parlamentler hám jergilikli wákillik uyımlarınıń roli» temasında bolıp ótken keńeytilgen májiliste qatnastı.

Oraylıq Aziya mámleketleri parlamentleri aǵzaları, xalıqaralıq shólkemlerdiń wákilleri, sonday-aq, ekspert hám qánigelerdi bir jerge jámlegen ilajda region mámleketleriniń turaqlı rawajlanıwın támiyinlewde parlamentler hám jergilikli wákillik uyımlarınıń ornı dodalandı.
Májiliste region mámleketleriniń turaqlı rawajlanıwın támiyinlewde parlamentler hám jergilikli wákillik uyımlarınıń roli dodalandı. Klimat ózgeriwi, suw resursları daǵdarısı, shólleniw sıyaqlı ekologiyalıq qáwip-qáterler, suw hám energetika qáwipsizligi máselelerine ayrıqsha itibar qaratıldı.
Ózbekstanda Milliy TRM orınlanıwı, turaqlı sociallıq-ekonomikalıq rawajlanıwdı támiyinlew hám xalıqtıń turmıs sapasın arttırıwǵa qaratılǵan keń kólemli reformalar áme74lge asırılıwın qadaǵalaw boyınsha parlament komissiyasınıń jedellik kórsetip atırǵanına ayrıqsha itibar berildi.
Qatnasıwshılar Ózbekstan TRMǵa erisiw jolında úlken tabıslarǵa erisilip atırǵanın kórsetip, regionallıq hám xalıqaralıq dárejede birge islesiwdi jáne rawajlandırıwǵa tayar ekenin tastıyıqlap, global áhmiyetli máselelerdi milliy kún tártibine integraciyalawda úlgi bolıp atırǵanı atap ótildi.
Májilis sheńberinde klimat ózgeriwi, suw resursları daǵdarısı, shólleniw sıyaqlı ekologiyalıq qáwiplerge, sonday-aq, suw hám energetika qáwipsizligi máselelerine de ayrıqsha itibar qaratıldı.
Qatnasıwshılar usı máselelerdi sheshiwde parlamentleraralıq birge islesiwdi bekkemlew, nızamshılıq tájiriybesin almasıw hám jergilikli hákimiyat wákillik uyımları menen birge islesiwdiń áhmiyetli ekenin atap ótti.
Májilis juwmaqları boyınsha region mámleketleriniń awızbirshilikte, keń kólemli teń salmaqlı rawajlanıwına erisiw ushın parlamentleraralıq birge islesiwdi jáne de bekkemlew boyınsha kelisimlerge erisildi. Orınlarda turaqlı rawajlanıw kún tártibi tabıslı ámelge asıwı kóp jaqtan jergilikli hákimiyat wákillik uyımlarına baylanıslılıǵı sebepli olardıń áhmiyetli roline ayrıksha itibar qaratıldı.

Qaraqalpaqstan xabar agentligi