Palestina qarsılıq háreketi – XAMAS BMSh Bas Assambleyasına palestinalı qashqınlarǵa járdem beriw agentligi (UNRWA) jumısın qollap-quwatlawshı rezolyuciyanı qabıllaǵanı ushın minnetdarshılıq bildirdi.

Egipet baspasóziniń xabarına bola, XAMAS piyshembi kúngi bildiriwinde Izrail húkimeti óz siyasatı hám háreketleri menen Ǵaza sektorındaǵı gumanitarlıq apatshılıqtı hám eki millionnan artıq palestinalıqlardı bile tura ashlıqtan óltiriwde dawam etip atırǵanın atap ótken.
Bunnan tısqarı, rejim qorǵawshısız tınısh xalıqqa gumanitarlıq járdem jetkeriliwine tosqınlıq etip atırǵanı, BMSh hám gumanitar shólkem jumısshılarına qısım kórsetilip atırǵanı, UNRWA xızmetkerleri arasındaǵı shaxitler sanınıń ózi 203 ke jetkenin bildirdi.
Bildiriwde xalıqaralıq jámiyetshilik hám BMSh sionistlik rejiminiń gumanitarlıq shólkemlerge qarsı dawam etip atırǵan hújimlerin toqtatıw hám sońǵı rezolyuciyanı ámelge asırıw ushın ilajlar kórilip atırǵanı atap ótildi.
Esletip ótemiz, sárshembi kúni BMSh Bas Assambleyası usı rezolyuciyanı qabılladı, oǵan bola 158 mámleket UNRWAnı qollap-quwatlaytuǵının tastıyıqlaǵan.

Musulman Ziyo, ÓzA