«Ózbekstan Respublikasınıń Rossiya Federaciyasındaǵı Elshixanasınıń jumıs nátiyjeliligin arttırıw haqqında»ǵı Prezident qararı qabıl etildi.
Qararǵa bola, Ózbekstannıń Rossiya Federaciyasındaǵı Elshixanasınıń shtat kestesine, birinshi xatker – Ózbekstan Respublikası Ishki isler ministrliginiń wákili qosımsha lawazımı kirgizildi.
Tómendegiler Wákildiń tiykarǵı wazıypaları etip belgilendi:
— Ózbekstan hám Rossiya Federaciyası Ishki isler ministrlikleri arasındaǵı óz-ara isenim hám xalıqaralıq huqıqtıń ulıwma tán alınǵan princip hám normalarına tiykarlanǵan halda tıǵız birge islesiwdi kúsheytiw;
— Ózbekstan hám Rossiya Federaciyası arasında jınayatshılıqqa qarsı gúresiw hám jámiyetlik qáwipsizlikti támiyinlew máselelerinde birge islesiwdi rawajlandırıw boyınsha turaqlı túrde puqta islengen ámeliy usınıslardı tayarlaw, sonday-aq, Ózbekstan puqaralarınıń huqıqları menen nızamlı mápleri qorǵalıwın támiyinlew máselelerinde xalıqaralıq birge islesiwdi keńeytiwge járdemlesiw;
— Ózbekstan hám Rossiya Federaciyasınıń Ishki isler ministrlikleri hám basqa huqıq qorǵaw uyımları arasında shólkemlesken jınayatshılıq, terrorizm, ekstremiz, adam sawdası, nızamsız migraciya hám basqa túrdegi jınayatlarǵa qarsı gúresiw, olardıń ashılıwına járdemlesiw hám usı baǵdarlarda operativ maǵlıwmat almasıwdı shólkemlestiriw boyınsha ámeliy birge islesiwdi kúsheytiw;
— Ózbekstan puqaralarınıń huqıqları menen nızamlı máplerin qorǵaw boyınsha konsullıq funkciyaların orınlawǵa járdemlesiw;
— Ózbekstannıń nızam hújjetlerinde názerde tutılǵan tártipte fizikalıq hám yuridikalıq táreplerdiń jınayatshılıq, huqıqbuzarlıq, adam sawdası hám nızamsız migraciya máseleleri boyınsha awız-eki, jazba yaki elektron túrdegi múrájatlerdi qabıl etiw hám kórip shıǵıw.

ÓzA