13-dekabr kúni Evroaziya Еkonomikalıq Awqamı Húkimet basshıları Keńesiniń gezektegi májilis bolıp ótti.
Ámeliy sapar menen Moskva qalasında bolıp turǵan Ózbekstan Respublikası Bas ministri Abdulla Aripov usı májiliste qatnastı.

Sonday-aq, májiliste Rossiya Federaciyası Húkimet Baslıǵı M.Mishustin, Belarus Respublikası Bas ministri R.Golovchenko, Qazaqstan Respublikası Bas ministri O.Bektenov, Qırǵız Respublikası Ministrler Kabineti baslıǵı A.Japarov, Armeniya Respublikası Bas ministri N.Pashinyan, video múrájat arqalı Kuba Bas ministri M.Kruz qatnastı.
Ózbekstan baqlawshı statusında Evroaziya ekonomikalıq awqamı mámleketleri menen kóp tárepleme ekonomikalıq birge islesiwdi rawajlandırıwdan mápdar ekeni bildirildi.
Bıyılǵı jıldıń on ayınıń juwmaǵı boyınsha Ózbekstannıń EAЕA mámleketleri menen sırtqı sawda aylanısı 12 procentke ósti.
Qaraqalpaqstan xabar agentligi