Qumar oyınlarına boysınıwdıń aldın alıw ushın onda sarıplaw múmkin bolǵan aqsha limiti qoyıladı.
Bul baǵdarda Húkimettiń «Lotereyalar hám táwekelshilikke tiykarlanǵan oyınlardı shólkemlestiriw hám ótkeriwdi tártipke salıwdı jetilistiriw ilajları haqqında»ǵı prezident pármanınıń orınlanıwın támiyinlew ilajları haqqında»ǵı qararı qabıl etildi.
Hújjetke bola, Perspektivalı joybarlar milliy agentligi tárepinen stavkalar hám oyınlardıń birden-bir mámleketlik registri alıp barıladı. Onda oyınshılar, sheklewler, sonday-aq, oyınlarda sarıplaw múmkin bolǵan qarjılar boyınsha limitler hám qarjı tranzakciyaları alıp barıladı.
Tómendegiler registr shólkemlestiriw hám basqarıwdıń tiykarǵı maqseti etip belgilendi:
– Internet tarmaǵındaǵı oyınlar, lotereyalar shólkemlestiriw hám bukmekerlik jumısı tarawında qarjı aylanısları ústinen qadaǵalaw hám konsolidaciyalasqan esaptı támiyinlew;
– Internet tarmaǵındaǵı oyınlar, lotoreya hám bukmekerlikti shólkemlestiriwshi menen mápler soqlıǵısıwı jaǵdaylarında oyınshınıń máplerin qorǵaw;
– Oyınǵa boysınıwǵa qarsı gúresiw hám onıń aldın alıw.
Internet tarmaǵındaǵı oyınlar, lotareya shólkemlestiriw hám bukmekerlik jumısın ámelge asırıw ushın 5 jıl múddetke úlgi licenziya beriledi.
Qaraqalpaqstan xabar agentligi