Bul haqqında Prezident basshılıǵında sociallıq qorǵaw tarawındaǵı jumıslardıń nátiyjeliligin hám 2025-jıl ushın tiykarǵı wazıypalardı dodalawǵa baǵıshlanıp ótkerilip atırǵan májiliste atap ótildi.

Kámbaǵal shańaraqtaǵı 460 mıń adam medicinalıq járdemge, 6 mıń shańaraq bolsa turaq jay sharayatın jaqsılawǵa mútáj.
Sol sebepli 2025-jılı mútáj adamlardıń xirurgiyalıq operaciyası ushın Medincinalıq qamsızlandırıw qorına qosımsha 185 milliard sum ajıratıladı. «Sociallıq dápterler» qarjısı tek ǵana kámbaǵal shańaraqlardıń jasaw sharayatın jaqsılaw emes, al medicinalıq, bilimlendiriw xızmetlerin kórsetiw hám dáramatın arttırıwǵa sarıplanadı. Ádillik bolıwı ushın, endigiden bılay bul qarjılar rayondaǵı kámbaǵallar sanına qarap bólistiriledi.
Sociallıq dápterler qarjısınıń 30 procentin rayon hákimlerine «Insan» orayları menen máhálledegi turaq jay, jol, suw hám elektrdi jaqsılaw ushın paydalanıwǵa ruxsat beriledi.
Jáne bir másele- házirde 400 kóp qabatlı sociallıq jayda 25 mıń xalıq jasaydı. Biraq olar jaqın aǵayinleri menen turaqlı jasaw sharayatınan uzaqlasıp batatırǵanın atap ótti.
Usı múnásibet penen mútáj xalıqtı bir sociallıq turaq jayǵa jaylastırıwdan waz keshiledi. Olarǵa óziniń máhállesine jaqın jerdegi úydi ijaraǵa alıwǵa ruxsat beriledi, qárejeti qaplap beriledi.
Sociallıq qorǵaw agentliginiń direktorı M. Olloyorovqa bul boyınsha tiyisli tapsırmalar berildi.