Prezident basshılıǵında sociallıq qorǵaw tarawındaǵı jumıslardıń nátiyjeliligin hám 2025-jıl ushın tiykarǵı wazıypalardı dodalawǵa baǵıshlanǵan májilis dawam etpekte.
Máhálledegi jámiyetlik xızmetkerler úyme-úy júrip, bıyıl reestrde bolmaǵan jáne 96 mıń mútáj adamǵa járdem kórsetti.
51 mıń adamǵa mayıplılıq belgilendi, 26 mıń adam protez aldı, mayıplıǵı bar 5 mıń bala baqsha-mektepke jaylastı.
Bunnan tısqarı, mútáj bolmaǵanlarǵa tiykarsız napaqa tólewdiń aldın aldı, qısqarǵan qárejetler byudjette qaldırıldı.
Úsh ay aldın wálayat hám rayondaǵı 14 mıń basshı 75 mıń kámbaǵal shańaraqqa biriktirilip, olar menen individual birge islesiw jolǵa qoyıldı.
Nátiyjede, us kúnge shekem kámbaǵal shańaraqlardaǵı 17 mıń adam turaqlı jumısqa jaylastırıldı, isbilermenlik hám qıytaq jer arqalı 14 mıń xalıqtıń dáramatı arttırıldı, 30 mıń bala baqsha, dógerek hám kásipke oqıtıw menen qamtıp alındı, 45 mıń mútáj xalıqqa medicinalıq járdem kórsetildi.

ÓzA