Ózbekstan Milliy kitapxanasınıń juwapkerleri Baku qalasında Túrkiy mámleketler shólkemine aǵza mámleketler Milliy kitapxana direktorları májilisinde qatnaspaqta.
Túrkiy mámleketler shólkemine aǵza mámleketlerdiń abıraylı kitapxanaları basshıları arasında bolıp ótken májiliste tarawda xalıqaralıq baylanıslardı bekkemlew, ilimiy-ámeliy tájiriybe almasıw, oqıw mádeniyatın jáne de rawajlandırıw, kitapxanashılıq tarawında tájiriybe almasıw, arxiv, fond isin júrgiziw hám virtual oqıtıw zalların innovaciyalıq júrgiziw baǵdarındaǵı pikir- usınıslar tallandı.
Sonday-aq, TURKSOY shólkemi Bas xatkeri Ózbekstan, Qazaqstan, Qırǵızstan, Ázerbayjan, Túrkiya, Vengriya xalıqlarınıń milliy, aǵartıwshılıq, ádep-ikramlılıq qádiriyatların qásterlep saqlaw, birgeliktegi joybarları ámelge asırıw, túrkiy mádeniyat hám miyrastı pútkil dúnyaǵa úgit-násiyatlawda kitapxanalar arasındaǵı baylanıslardıń bekkemligi úlken áhmiyetke iye ekenin ayrıqsha atap ótti. Ilaj dawamında Áliysher Nawayı atındaǵı Milliy kitapxana direktorı Umida Teshaboeva mámleketimizde kitapxanashılıq baǵdarında ámelge asırılǵan reformalar hám imkaniyatlarǵa toqtap ótti.
Muhayyo Toshqoraeva, ÓzA