Ózbekstan Respublikası Sırtqı isler ministrligi baspasóz xızmetiniń málim etiwinshe, 2024-jıl 10-dekabr kúni Ózbekstan Respublikası sırtqı isler ministri Baxtiyor Saidov Xorvatiya sırtqı hám Evropa isleri ministri Gordan Grlich Radman menen ushırastı. Ushırasıw kún tártibi oǵada keń bolıp, birge islesiwdiń barlıq baǵdarların qamtıp aldı. Eki tárepleme baylanıslardı bekkemlew hám bunnan soń dinamikalıq almasıwdı támiyinlew zárúrligi atap ótildi. Alǵa jańa maqsetler qoyıldı, kelesi jıldıń rejeleri dodalandı hám mámleketimiz isbilermen toparları arasında tıǵız birge islesiwdi qollap-quwatlawǵa kelisip alındı.
Xorvatiya sırtqı hám Evropa isleri ministriniń mámleketimizge birinshi saparı Ózbekstan-Xorvatiya eki tárepleme qatnasıqlarında jańa bet ashtı. Sırtqı isler ministrlikleri arasında Birge islesiw hám máslahátlesiw haqqında Protokolǵa qol qoyıldı.
Qaraqalpaqstan xabar agentligi