Búgin Ellikqala qánigelestirilgen kórkem óner mektebinde Ózbekstan Respublikası Mámleketlik gimni qabıl etilgen kúni múnásibeti menen «Mámleketimiz gimni-milliy maqtanıshımız hám ǵárezsizligimiz belgisi» atamasında ilaj bolıp ótti.
Ilajda Respublika Ruwxıylıq hám aǵartıwshılıq orayı Ellikqala rayonlıq bóliminiń baslıǵı A.Matniyazova, Ellikqala qánigelestirilgen kórkem óner mektebiniń direktorı X.Rajapov, muǵallimler hám oqıwshı-jaslar qatnastı.
Onda sózge shıqqanlar tárepinen mámleketlik gimnniń xalqımız turmısındaǵı tutqan ornı, milliy maqtanıshımızdıń hár bir puqaranıń kewlinde Watanǵa degen súyispenshilikti arttırıwday kúshke iye ekenligi, sonday-aq, gimnniń qabıl etiliw tariyxı haqqında aytıp ótildi.
Ilajda ustazlar hám oqıwshı-jaslar tárepinen gimn atqarılıp, sonday-aq, Watanǵa degen mehir hám súyispenshilikti táriyplewshi qosıqlar oqılıp, jıynalǵanlarda jaqsı tásirler qaldırdı. Usınday ilajlar jas áwladtıń Watanǵa degen mehir-muhabbatın jáne de bekkemlewge xızmet eteri anıq.
Qaraqalpaqstan xabar agentligi