Ilajda Prezident Shavkat Mirziyoevtiń bayram qutlıqlawın Prezident baspasóz xatkeri Sherzod Asadov oqıp esittirdi.
Mámleketimiz basshısınıń qutlıqlawında quramalı klimat sharayatı, suw hám jer recurclarınıń tamtarıslıǵına qaramastan, agrar tarawda erisilip atırǵan jetiskenlikler Ózbekstan diyqan hám fermerleriniń miynet súygishligi hám pidayılıǵınan dárek ekeni atap ótilgen.
Keń kólemli reformalar zamanagóy agrotexnologiyalardıń engiziliwi hám mámleket tárepinen belsene qollap-quwatlanıwı sebepli úlken nátiyjelerge erisilip atırǵanı, taraw xızmetkerleriniń mashaqatlı miyneti menen usı jılı ǵálle, paxta, pilleden mol ónim alınǵanı, azıq-awqat ónimlerin jetistiriw kóbeygeni atap ótilgen. Awıl xalqın qollap-quwatlaw, sonıń ishinde, jańa jumıs orınların jaratıw, jer maydanların bólistiriw hám infrastrukturanı rawajlandırıw jumıslarınıń izbe-iz dawam ettiriliwine ayrıqsha itibar qaratılǵan.
«Qorshaǵan ortalıqtı qorǵaw hám «jasıl ekonomika» jılı» dep járiyalanǵan 2025-jılı ekologiyalıq taza texnologiyalardı engiziw hám agrar tarawdı turaqlı rawajlandırıw zárúr ekenligine itibar berilgen. Prezidentimizdiń qutlıqlawında diyqan hám fermerlerimiz, agrar taraw jankúyerlerine hadal miyneti, kúsh-jigeri ushın minnetdarshılıq bildirilip, jaqsı tilekler aytılǵan.
Qaraqalpaqstan xabar agentligi