Ózbekstan Professional futbol ligası miynetke haqı tólewdiń eń az muǵdarınıń (MHTEAM) 5 esesinen kem shártnamalardı dizimnen ótkermeytuǵınlıǵı belgili boldı.
Shólkemge bola, bul jas futbolshılardı qollap-quwatlaw maqseti menen baylanıslı.
«Liga diziminen ótetuǵın miynet shártnamalarında minimal miynet haqı belgilep qoyılǵan bolıp, oǵan bola, klub óz futbolshısına Ózbekstanda miynetke haqı tólewdiń eń az muǵdarınan kem bolmaǵan summada miynet haqı belgilewi kerek.
Professional futbol klublarında miynet haqılarınıń joqarı muǵdarı artıwda dawam etpekte, biraq qábiletli jaslardı xoshametlew máselesinde bir qatar mashqalalar bar»,- delinedi rásmiy maǵlıwmatlardıń tallaw kórsetkishlerinde.
Atap ótilgenindey miynetke haqı tólewdiń eń az muǵdarı kórinisinde miynet haqını alıp atırǵan futbolshıda óziniń aylıq shıǵınların qaplaw menen baylanıslı qıyınshılıqlar bar. Sonnan kelip shıǵıp, Ózbekstan Professional futbol ligası hám Ózbekstan futbolshıları basqarması birgelikte Ózbekstan futbol associaciyasına usı máselede qosımsha usınıs kirgizgen.
Hár úsh shólkem birgelikte isenimli qarar qabıl etkenine shekem bolsa PFL miynetke haqı tólewdiń bes ese muǵdarınan az bolǵan miynet shártnamaların dizimnen ótkermeydi, dep málimleme beredi xabar.uz saytı.

Qaraqalpaqstan xabar agentligi