Respublikamızdıń barlıq aymaqlarında bolǵanı sıyaqlı, Qaraózek rayonında Ózbekstan Respublikası Konstituciyası qabıl etilgenliginiń 32 jıllıǵı múnásibeti menen atamasında bayram ilajı bolıp ótti.
Ilajda rayon hákiminiń birinshi orınbasarı B. Ayapbergenov hám basqa da sózge shıqqanlar qatnasıwshılardı bayram menen qızǵın qutlıqlap, sońǵı jıllarda elimiz boylap sociallıq-ekonomikalıq, mádeniy hám basqa da tarawlarda ámelge asırılıp atırǵan keń kólemli reformalar, erisilip atırǵan nátiyjelerdi maqtanısh penen atap ótip, bul tabıslardı qolǵa kirgiziwde jańa redakciyadaǵı Konstituciyanıń ornı hám roli haqqında keń túrde sóz etti.
Sonday-aq, ilajda «Konstituciya – erkin hám abadan turmıs kepili!» degen turmıslıq súrenniń mánisi hám áhmiyeti, jańa redakciyadaǵı Konstituciyada insan huqıqları menen erkinliklerin qorǵaw ulıwma jańa basqıshqa kóterilgeni atap ótildi.
Bayram rayonlıq Mádeniyat bólimi xızmetkerleri menen mektep oqıwshılarınıń atqarıwındaǵı koncert baǵdarlaması menen dawam etti.
Adilbay Orazov,
Qaraqalpaqstan xabar agentligi sholıwshısı