Ózbekstan hám Pakistan arasındaǵı eki tárepleme baylanıslar turaqlı rawajlanıp barmaqta. Xalıqaralıq hám regionallıq shólkemler sheńberinde jedel birge islesiw ámelge asırılmaqta. Joqarı dárejede erisilgen kelisimlerdi orınlawda parlamentler de áhmiyetli orın tutpaqta.
Bul Oliy Majlis Senatı Baslıǵı Tanzila Norboeva hám Pakistan Islam Respublikasınıń Ózbekstandaǵı Tolıq huqıqlı elshisi Ahmad Faruk ushırasıwında atap ótildi.
Tárepler eki mámleket arasındaǵı óz-ara paydalı birge islesiwdi tereńlestiriwde áhmiyetli orın tutatuǵın parlamentleraralıq baylanıslardı jáne de bekkemlew máselelerine itibar qarattı.
Sawda, ekonomika, investiciyalar, transport hám turizm sıyaqlı tiykarǵı baǵdarlarda birge islesiwdi keńeytiw perspektivalarına ayrıqsha itibar qaratıldı. Tárepler usı tarawlarda birgeliktegi joybarlardı ámelge asırıw ekonomikalıq qatnasıqlardı bekkemlewge hám óz-ara tovar almasıw kólemin arttırıwǵa xızmet etetuǵının atap ótti.
Eki mámleket xalıqları arasındaǵı doslıq baylanısların bekkemlewge, olardıń tariyxıy-mádeniy miyrası menen tanısıwǵa qaratılǵan birgeliktegi mádeniy ilajlardı ótkeriw imkaniyatları dodalanǵanı ushırasıwdıń áhmiyetli tárepi boldı.
Ushırasıw juwmaǵında Ózbektan hám Pakistan arasındaǵı birge islesiw jáne de bekkemlenetuǵınına, eki mámleket xalıqları mápleri jolında belgilengen rejeler jedel ámelge asırılatuǵınına isenim bildirildi.

ÓzA