Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialında Ózbekstan Respublikası Konstituciyasınıń 32 jıllıǵına baǵıshlanǵan ilaj bolıp ótti.
Bayram ilajı Ózbekstan hám Qaraqalpaqstan Respublikalarınıń mámleketlik gimnleri menen baslandı.
Ilajda Qaraqalpaqstan Respublikası Konstituciyalıq baqlaw komitetiniń baslıǵı P.Aytniyazov, Qaraqalpaqstan Respublikası prokurorınıń aǵa járdemshisi G.Alewova, Qaraqalpaqstan Respublikası puqaralıq isler boyınsha sudlaw kollegiyası baslıǵınıń járdemshisi N.Nurımbetov, filial direktorınıń oqıw isleri boyınsha orınbasarı Q.Atanazarov shıǵıp sóylep, Ózbekstan Respublikası Konstituciyasınıń qabıl etilgenine 32 jıl tolıwı múnásibeti menen qızǵın qutlıqladı.
Ilajda sózge shıqqanlar, Ózbekstan Respublikası Konstituciyası mámleketimizdegi huqıqıy tártip, sociallıq ádillik hám mámlekettiń bekkemligin támiyinlewde úlken áhmiyetke iye hújjet ekenligin atap ótti.
Jańa redakciyadaǵı Bas nızamımız 6 bѳlim, 27 bap hám 155 statyadan ibarat bolıp, onda eń dáslep insan qádiri ayrıqsha negiz etip belgilengen. Sonlıqtan, Konstituciya tek mámlekettiń tiykarǵı huqıqıy normaların belgilep berip ǵana qoymastan, al insan huqıqları hám erkinliklerin qorǵawdaǵı áhmiyetli mexanizm retinde xızmet etedi. Onda xalqımızǵa tán bolǵan – ádalatlılıq, miyrim-shápáát sıyaqlı joqarı pazıyletler sińdirilgen
Mámleketimizde qabıl etilip atırǵan hár qanday nızam hám nızamnan kelip shıǵatuǵın hújjetler Konstituciyamız negizinde qabıl etiledi.

Qaraqalpaqstan xabar agentligi