«Teatrlardıń jámiyetlik mádeniy turmısındaǵı áhmiyetin arttırıw hám olardıń jumısın jáne de qollap-quwatlaw ilajları haqqında»ǵı Prezident qararı qabıl etildi.
Qararǵa bola, dramaturgler ushın Mahmudxwja Behbudiy atındaǵı hám jas rejissyorlar ushın Bahodir Ywldoshev atındaǵı sıylıq shólkemlestiriledi.
Onda sıylıqlar boyınsha tanlawlar hár eki jılda ótkerilip, olardıń jeńimpazları MHTEKMtiń 50 esesi muǵdarında aqshalay sıylıq penen sıylıqlanadı.
Rejissiyor –dramaturg-kompozitor –súwretshi principi tiykarında dóretiwshilik birge islesiwdi keńeytiwge qaratılǵan 2025-jıldan hár jılı avgust ayında «Nigoh» dóretiwshilik joybarı ámelge asırıladı.
Milliy akademiyalıq muzıka kórkem ónerin rawajlandırıw hám ǵalaba en jaydırıw maqsetinde hár 2 jılda milliy kompozitorlar tanlawı ótkerip barıladı.
Áliysher Nawayı atındaǵı Ózbekstan mámleketlik akademiyalıq úlken teatrı janında Teatr rejissyorları akademiyası shólkemlestiriledi.
Dúnya dramaturgiyası úlgilerinen awdarılǵan dóretpeler boyınsha hár jılı «Eń jaqsı awdarma saxna dóretpeleri» tanlawı engiziledi.
2025-jıldan:
-hár 2 jılda tariyxıy hám zamanagóy temalar boyınsha «Eń jaqsı pesalar» tanlawı shólkemlestiriledi;
– Ózbekstan teatrı jámáátleriniń milliy reytingi dúziledi.
Qararǵa bola, xalıq, ásirese, jaslardıń teatrlarǵa turaqlı keliwin názerde tutıwshı «Teatr-ibratxanadur» baǵdarlaması ámelge asırıladı.
Onda:
-«Temir dápter», «Hayal-qızlar dápteri» hám «Jaslar dápteri»ne kirgizilgen puqaralar hám mayıplıǵı bolǵan shaxslar mámleketlik teatrlardıń spektakllerine biypul kirgiziledi.
Muqimiy atındaǵı Ózbekstan Mámleketlik muzıkalı teatrına «Akademiyalıq» statusı beriledi.
2026-jıldıń aqırına shekem Ózbekstan mámleketlik jaslar teatrı jumısı zamanagóy úlgili teatr sıpatında shólkemlestiriledi.
2025-jıl 1-yanvardan 2026-jıl 31-dekabrge shekem huqıqıy eksperiment boyınsha Ózbekstan mámleketlik jaslar teatrı hám Áliysher Nawayı atındaǵı Ózbekstan mámleketlik akdemiyalıq úlken teatrına qarjı, dóretiwshilik hám shólkemlestiriw máselelerin erkin sheshiw kepilligi beriledi.
ÓzA