Xitoyda davom etayotgan futbol bo‘yicha U20 Osiyo kubogida Farhod Nishonov boshchiligidagi O‘zbekiston terma jamoasi ilk o‘yinini o‘tkazdi.

“S” guruhidan o‘rin olgan Yaman termasiga qarshi uchrashuvda futbolchilarimiz 1:0 hisobida g‘alaba qozondi. O‘yinda Muhammadali O‘rinboyev terma jamoamizning yagona goliga mualliflik qildi. Endi 16 fevral kuni guruh bahslarining 2-turida O‘zbekiston termasi indoneziyalik tengqurlariga qarshi maydonga tushadi.

Shuningdek, “B” guruhida Iroq va KXDR terma jamoalari o‘zaro raqobatlashdi. Mazkur bahs 1:1 hisobida yakunlandi.

Eslatib o‘tamiz, bugun Osiyo kubogi doirasida “S” guruhida Eron va Indoneziya, “B” guruhida esa  Iordaniya hamda Saudiya
Arabistoni uchrashuvlari bo‘lib o‘tadi.

Javohir Toshxo‘jayev, O‘zA