Vazirning ta’kidlashicha, favqulodda holat yuzasidan olib borilgan tergov doirasida to‘qqiz kishi, jumladan mehmonxona xo‘jayini ham hibsga olingan.

Mehmonlarning ko‘pchiligi derazalardan choyshablarga osilib  pastga tushishga harakat qilishgan, ba’zilari yerga sakragan.

“Ekol TV” xabariga ko‘ra, 1974 yilda qurilgan mehmonxona devorlari yog‘och bilan qoplangani yong‘inning tez tarqalishiga sabab bo‘lgan. Qutqarilganlardan birining aytishicha, binoda tutunni aniqlovchi va o‘t o‘chirish moslamalari umuman bo‘lmagan.

Avvalroq, 18 yanvar kuni Istanbul shahrining Atashehir tumanidagi mehmonxonaning oshxonasida ham yong‘in sodir bo‘lgandi. Yong‘in oqibatida besh nafar mehmon kasalxonaga yotqizilgan. Keyinchalik ma’lum bo‘lishicha, ulardan uch nafari vafot etgan.

S.Rahimov, O‘zA