Ummon davlatida shaxmat bo‘yicha “Muscat International Chess Championship 2024” turniri o‘tkazilmoqda.
️Quvonarlisi, musobaqada ishtirok etayotgan shaxmatchimiz Ortiq Nigmatov onlayn holatda 2501 reyting ko‘rsatkich qayd etdi. Shaxmatchimiz grossmeysterga (GM) aylandi. Shu tariqa o‘zbekistonlik grossmeysterlar soni 30 nafarga yetdi.
Ma’lumot o‘rnida: Ortiq Nigmatov grossmeyster normasi talablarini muddatidan oldin bajargan edi, faqatgina reyting ko‘rsatkichlari bir marta 2500 reytingdan o‘tishi lozim edi.
Javohir Toshxo‘jayev, O‘zA