Har yili Yangi yil bayrami arafasida ertangi kunimiz egalari bo‘lgan bolajonlarga bayramona kayfiyat ulashilib, Prezident sovg‘alarini topshirish an’anaga aylangan.
Qoraqalpog‘iston Respublikasi Jo‘qorg‘i Kengesi Raisi Amanbay Orinbayev Taxiatosh “Bolalar uyi”da tarbiyalanuvchilarni Yangi yil bayrami bilan tabriklash uchun bordi.
Chiroyli bezatilgan archa atrofida tashkil etilgan bayram kechasida kichkintoylar tomonidan tayyorlangan raqslar mehmonlar e’tiboriga havola etildi. Bolalar doimo davlatimiz e’tibori va g‘amxo‘rligida ekani ta’kidlanib, ularga Prezident sovg‘alari topshirildi.
Bayram tadbiridan so‘ng Jo‘qorg‘i Kenges Raisi “Bolalar uyi” tarbiyalanuvchilariga yaratilgan sharoitlar bilan tanishdi.
Dovud Abibullayev, O‘zA muxbiri