Rossiya prezidentining so‘zlariga ko‘ra, rus qo‘shinlari butun front chizig‘i bo‘ylab harbiy va strategik salohiyatga ega va hech narsani javobsiz qoldirmaydi.

Mudofaa rasmiylari bilan yillik uchrashuvda RF yetakchisi Ukrainadagi mojaro kuchaysa, tuzatib bo‘lmaydigan voqealar sodir bo‘lishiga ishora qildi.

– Qo‘shma Shtatlar Kiyevdagi hukmron tuzumni qurol-yarog‘ va pul bilan ta’minlash, yollanma askar va harbiy maslahatchilar yuborish orqali ziddiyatning yanada kuchayishiga turtki bermoqda, – dedi Putin. – Ular bizni “qizil chiziq”qa yetaklamoqda, biz esa orqaga chekinmaymiz va javob bera boshlaymiz.

RF rahbari shuningdek, Amerikaning o‘rta va qisqa masofali raketalar bilan bog‘liq o‘zgarishlaridan xavotirlarini bildirdi. Uning qo‘shimcha qilishicha, agar AQSH chegarani kesib o‘tsa, Moskva o‘z ixtiyori bilan ba’zi cheklovlarni bekor qiladi.

Bundan tashqari,u joriy yilda 189 aholi punktini egallab olgan rus kuchlarini olqishladi.

– Askarlarimizning professional mahorati va jasorati, mudofaa sanoati xodimlarining ajoyib sa’y-harakatlari hamda xalqimizning armiya va flotni chinakam qo‘llab-quvvatlashi tufayli qo‘shinlarimiz butun front chizig‘i bo‘ylab strategik tashabbus ko‘rsatmoqda, – dedi Vladimir Putin.

Musulmon Ziyo, O‘zA