Toshkentning “Humo” xokkey klubi Qozog‘iston muntazam chempionatidagi navbatdagi o‘yinini safarda Ostona shahrining “Irtish” jamoasiga qarshi o‘tkazdi.
Ushbu jamoalar o‘rtasidagi ilk uchrashuvda “Humo” 4:3 hisobida g‘alaba qozongan bo‘lsa, ikkinchi o‘yinda 4:0 hisobida zafar quchdi. Mazkur muvaffaqiyatdan so‘ng, poytaxtimiz jamoasi chempionatning 26 ta o‘yinida 35 ochko jamg‘argan holda 2-o‘ringa ko‘tarilib oldi. “Irtish” esa 24 bahsda bor-yo‘g‘i 6 ochko bilan so‘nggi 11-pog‘onada qoldi.
“Humo” xokkey klubi navbatdagi uchrashuvini 23-24 dekabr kunlari “Humo arena” majmuasida “Almaty” jamoasiga qarshi o‘tkazadi. Shuni ta’kidlab o‘tish lozimki, “Almaty” chempionatda 34 ochko bilan uchinchi pog‘onada bormoqda.
Javohir Toshxo‘jayev, O‘zA