Xokkey bo‘yicha Qozog‘iston muntazam chempionati doirasida “Humo” (Toshkent) “Beybaris” (Atirau) klubini qabul qildi.
Ushbu uchrashuvda “Humo” 2:1 hisobida raqiblari ustidan g‘alaba qozondi. Mazkur uchrashuvda “Humo” tarkibida gollarga Danila Karaban va Yegor Buyalskiy mualliflik qilgan bo‘lsa, “Beybaris” jamoasining yagona golini Aleksey Klochkov kiritdi. Ushbu natijadan so‘ng, poytaxtimiz klubi ochkolarini 19 taga yetkazib oldi va turnir jadvalining beshinchi pog‘onasiga joylashdi. “Beybaris” esa 13 ta o‘yinda 6 ochko bilan 10-o‘rinda qoldi.
Bugun ushbu jamoalar o‘rtasidagi javob o‘yini bo‘lib o‘tadi. Uchrashuv “Humo Arena”ning kichik majmuasida soat 19:30 da boshlanadi.
Javohir Toshxo‘jayev,
O‘zA