Butunjahon ayollar tennis uyushmasi (WTA) va Professional tennischilar assotsiatsiyasi (ATP) o‘zining yangilangan haftalik reytingini e’lon qildi. Quvonarlisi ushbu reyting jadvallaridan tennischilarimiz ham o‘rin oldi.
WTA tomonidan e’lon qilingan reytingga ko‘ra, belaruslik Arina Sobolenko jadvalda 9016 ochko bilan peshqadamlik qilmoqda. Biz uchun ahamiyatli jihati shundaki, ushbu reytingda mamlakatimizning birinchi raqamli tennischisi Nigina Abduraimova 5 pog‘ona ko‘tarilib, 333-o‘ringa joylashdi. Shuningdek, Vlada Yakshibarova 788, Milana Maslenkova 1376, Sabrina Olimjonova 1401-pog‘onalardan joy oldi.
ATP reytingida esa italiyalik Yannik Sinner 11920 ochko bilan hamon birinchi o‘rinda turibdi. Hamyurtlarimizdan esa Humoyun Sultonov ushbu jadvalning 231-o‘rniga joylashgan bo‘lsa, Sergey Fomin 538 pog‘onadan joy oldi.
Javohir Toshxo‘jayev,
O‘zA