“Taxtlar o‘yini” filmini ko‘pchiligimiz ko‘rganmiz. Xullas, ashaddiy kino muxlislari ushbu serialni suratga olishda foydalanilgan kiyim-kechak, asbob-anjom va boshqa buyumlarni sotib olish uchun kim oshdi savdosida qatnashibdi. Ommaviy axborot vositalari yozishicha, savdo 21 million dollardan ko‘proq daromad keltirgan.

Amerika Qo‘shma Shtatlari Dallas shahrida bo‘lib o‘tgan “Heritage Auctions” tadbirida 900 dan ortiq lot, jumlada zirh, qilich va boshqa turli qurollar, zargarlik buyumlari kabi muhim buyumlar namoyish etildi.

Tabiiyki, qiymati eng yuqori rekvizit film qahramonlari egalik qilish uchun sakkiz fasl davomida muntazam kurashgan “Temir taxt” bo‘ldi.

Olti daqiqalik savdodan so‘ng taxt 1,49 million dollarga sotildi.

Kinoda taxt minglab mag‘lub raqiblar qilichini eritib yuborgan, shou davomida hokimiyat uchun kurash ramzi sifatida ajdaho nafasi ila yaratilgan edi.

Auksion bayonotida aytilishicha, shu kuni 4500 dan ortiq ishtirokchi jami 21,1 million dollardan kechgan.

“Heritage” ijrochi vitse-prezidenti Jo Maddalena mazkur kim oshdi savdosi butun dunyoda aks-sado berishiga ishonch bildirdi.

– Bu Jorj Martinning ajoyib romanlarini jonlantirish uchun tinimsiz mehnat qilgan, Emmi mukofotiga sazovor bo‘lgan libos dizaynerlari va rekvizitchilar tomonidan yaratilgan ajoyib xazina, – deydi Maddalena. –“Taxtlar o‘yini” serialining bir qismiga egalik qilishni ko‘pchilik xohladi.

Barchaning e’tirofiga sazovor bo‘lgan “Temir taxt”dan tashqari 30 dan ziyod boshqa buyumga ham olti sonli raqamdan iborat narx belgilangan edi.

Filmda Kit Xarington qo‘lida yaraqlagan Jon Snouning “Longclaw” nomli qilichi 400 000 dollar “ishladi”. Og‘ir qalpoqli tungi soatlar to‘plami 337 500 dollarga sotildi. Har ikki jism uzoq davom etgan tortishuvdan so‘ng egasini topdi.

Boshlang‘ich takliflar 500 dan 20 000 gacha, yana bir necha mahsulot minglab dollar qimmatroq edi. “Emeliya Klark Daenerys Targaryen” va “Lena Headey Cersei Lannister” kiygan bir necha ustki kiyim va ko‘ylak, shuningdek kul rang zamsh yig‘indisi 112 500 dollardan, “Cersei” shousidagi so‘nggi chiqishda kiyilgan qizil baxmal ko‘ylak 137 500 ga ketdi.

Qurol-aslahaga ham qiziqish yuqori bo‘ldi – ayniqsa bosh qahramonlar tomonidan ishlatilganlari. “Jaime Lannister” qora charm zirhli ansambli 275 000, “Kingsguard” zirhi, jumladan uning mashhur “Oathkeeper” uzun qilichi 212 500 dollarga yutib olindi.

Musulmon Ziyo, O‘zA