FOTOREPORTAJ
Qoraqalpog‘iston Respublikasi Nukus shahri markazidan 25 kilometr masofada joylashgan Besto‘be mahallasidagi 23-maktabgacha ta’lim tashkilotida sakkizta guruhda jami 160 nafar kichkintoy tarbiyalanadi.
Venera Shukurullayeva – ushbu tashkilotning jonkuyar tarbiyachilaridan. U shirinsuxanligi, chuqur bilimi, izlanuvchanligi bilan jamoasi hamda bolajonlar qalbiga yo‘l topgan, mehrini qozongan.
2023 yil o‘tkazilgan “Yilning eng yaxshi tarbiyachisi” ko‘rik-tanlovining Nukus shahar bosqichida V. Shukurullayeva “Yilning eng fidoyi tarbiyachisi” nominatsiyasi bo‘yicha g‘olib bo‘lgan. Shuningdek, respublika hamda xalqaro miqyosida o‘tkazilgan ilmiy konferensiyalarda bir necha bor faol ishtirok etgan.
Tarbiyachi hudud bolalarining bog‘chaga qamrovini oshirish, ularga zamonaviy pedagogik usullar asosida ta’lim va tarbiya berish hamda yangicha ilmiy-amaliyot ishlariga alohida e’tibor qaratgan.
Maqsad HABIBULLAEV(surat),O‘zA