O‘zbekiston Respublikasi Madaniyat vazirligi, Qoraqalpog‘iston Respublikasi Jo‘qorg‘i Kengesi hamda Vazirlar Kengashi, Qoraqalpog‘iston Respublikasi Madaniyat vazirligi tomonidan O‘zbekiston, Qoraqalpog‘iston, Turkmaniston va Tatariston xalq artisti, milliy qo‘shiqchilik san’ati asoschilaridan biri Otajon Xudoyshukurov tavalludining 80 yilligi munosabati bilan “Ona diyor kuychisi” yosh ijrochilarning respublika ko‘rik-tanlovi o‘tkaziladi.

Tanlov joriy yilning 4 oktyabr kuni Qoraqalpog‘iston Respublikasi To‘rtko‘l tumanidagi Otajon Xudoyshukurov nomidagi madaniyat markazida bo‘lib o‘tadi. Tanlovda mamlakatimizning barcha hududlaridan 17 yoshdan 40 yoshgacha bo‘lgan iste’dod egalari ishtirok etishi mumkin.

Ishtirokchilar Otajon Xudoyshukurov ijodi namunalaridan o‘rin olgan asarlarni ijro etishlari lozim.

Dovud Abibullayev, O‘zA muxbiri.