“WAM” axborot agentligi xabar berishicha, Birlashgan Arab Amirliklari adliya vaziri o‘zbekistonlik hamkasbi bilan uchrashib, huquqiy sohadagi hamkorlik ko‘lamini kengaytirish mavzusini muhokama qilgan.

Abdulloh bin Sulton bin Avad An-Nu’aymiy Akbar Toshqulov va unga hamroh bo‘lgan delegatsiya bilan Abu-Dabi shahridagi idorasida suhbatlashdi. Muloqot chog‘ida ikki davlat o‘rtasidagi xalqaro hamkorlikka oid masalalar, xususan sud-huquq yo‘nalishidagi munosabatlarni takomillashtirish yo‘llari ko‘rib chiqildi.

Tomonlar sohada erishilgan yutuqlar, kuzatilayotgan ijobiy o‘zgarishlar yuzasidan o‘zaro fikr almashgan.

Muharrama Pirmatova,

O‘zA