Guba shahrida bo‘lib o‘tayotgan O‘zbekiston-Ozarbayjon II Mintaqalararo forumi doirasida ikki tomonlama hujjatlarni imzolash marosimi bo‘lib o‘tdi, deb xabar beradi Trend axborot agentligi.
Xususan, O‘zbekiston va Ozarbayjonning Termiz va Bilasuvar, Namangan va Mingachevir, Guliston va Fizuliy shaharlari o‘rtasida savdo-iqtisodiy va madaniy-gumanitar sohalarda o‘zaro anglashuv va hamkorlik memorandumlari imzolandi.
Shuningdek, forum doirasida Ozarbayjon Prezidenti Ilhom Aliyevning O‘zbekistonga davlat tashrifiga tayyorgarlik ko‘rish bo‘yicha “yo‘l xarita”si tasdiqlandi.
Hujjatlarning amalga tatbiq etilishi xalqlarimizni yanada yaqinlashtirish va to‘g‘ridan-to‘g‘ri aloqalarni mustahkamlashda yangi istiqbollarni ochishi qayd etildi.
Aziza Alimova tayyorladi, O‘zA